čoagginkampánja

Leatgo dus boares govat ovdamearkka dihte telegráfa- ja telefonlinnjáin, telefonguovddážiin, telegráfa- ja telefonrusttegiin daid árga geavahusas, visttiin mat leat huksejuvvon telegráfa- ja telefonlinnjáid várás, daid huksemis dahje burgimis? Dahje leago dehálaš muittuid vurkema várás govvejuvvon govaid duogážii báhcán dárkkuhusain dahje vahágis telefonstoalpu dahje mobiilastivli?

Prošeakta, man Kone-vuođđudus ruhtada ’Tietoliikenneinfrastruktuuri, aika, yhteisö ja arktinen ympäristö’ (Diehtojohtolatinfrastruktuvra, áigi, searvvuš ja árktalaš biras) čoaggá boares govaid Davvi-Suomas. Prošeavttas dutkat, mo diehtojohtolatinfrastruktuvrra ovdáneapmi váikkuha hárvvet ássojuvvon guovlluid servošiidda ja olbmuid árgii. Lassin mii leat beroštuvvan diehtit mo birrasa luondu ja dilit (muohta, galmmasvuohta jna.) leat váikkuhan diehtojohtolatinfrastruktuvrii ja dan huksemii, ja makkár luottaid diehtojohtolatoktavuođat leat guođđán birrasii ja duovdagiidda.

Čoagginkampánja álgá njukčamánus 2023 ja nohká čakčamánu 2023 loahpa rádjai.

Jos du govat leat juo digitálahámis, sáhtát sáddet daid čujuhussii tiedekeskus@ulapland.fi. Bábergovaid sáhttá sáddet Lappi Universitehta Árktalaš guovddážii (Tiedekeskusnäyttely/Kuvakampanja, Arktinen keskus, Lapin yliopisto, PL 122, 96101, Rovaniemi). Čoggojuvvon govat máhcahuvvojit oamasteaddjiide poastta fáro, muhto lasihuvvojit digitála hámis dieđaguovddáščájáhusa čoakkáldahkii. Dárbbu mielde mii divvut digitála govaid, mat lasihuvvojit čoakkáldahkii, vai govaid kvalitehta buorrána. Čoggojuvvon govaid sáhttit atnit ávkin čájáhusas, mii ordnejuvvo prošeavtta loahpas, prošeavtta ruoktosiidduin ja govuheapmin dahje almmustahttimiid materiálan, mat ollašuhttojuvvojit. Gova dahkkivuoigatvuođahálddašeaddji máinnašuvvo geavaheami oktavuođas. Govain ii máksojuvvo sierranas bálkkašupmi.

Aitosaš govaid lassin mii leat beroštuvvan buot dieđuin ja muitalusain, mat laktásit govaide. Goas, gos ja manin govva lea govvejuvvon? Geat dahje mat govas oidnojit? Makkár govvenbáiki lea otná beaivve? Buot govvii gullevaš dieđuid sáhttá sáddet ovttas govaiguin. Govaid mielde lea maiddái buorre sáddet máhcahančujuhusa ja oktavuođadieđuid.

Oktavuođadieđut: https://www.arcticcentre.org/kuvakampanja