SMI

Árktalaš guovddáš lea máŋggadieđalaš árktalaš dutkamuša ja diehtojuohkima riikkaidgaskasaš ovddasmanni. Mii leat Arktikum-dálus Ovnnesjoga gáttis.

Mii ovddidit suvdilis máilmmi nu ahte hukset viiddesvuđot ipmárdusa árktalaš guovllus.  Min givrodahkan lea alla dási dutkamuša ovttastahttin návccaide buvttadit dutkandieđu álbmogii ja mearrideddjiide. Mii geavvat čanusjoavkkuiguin ságastallama, mas ohcat čovdosiid servodaga ja birrasa hástalusaide.

Árktalaš guovddáža álbmotlaš ja riikkaidgaskasaš ovttasbargofierpmádat lea earenoamáš viiddis ja máŋggasuorggát ja min bargoveagasteamet leat máŋggat áššedovdibarggut, mat laktásit árktalašvuhtii.

Oktavuohta >

Dutkamušas ovttastuvvet olmmoš-, servodat-, riekte- ja luonddudiehtagiid lahkonanvuogit.

Buot dutkamušas guovddášlaš lea lagas ovttasbargu olbmuiguin, geat orrot guovllus. Máŋggain dutkanprošeavttain ođđa diehtu buvttaduvvo osolažžan dahkki vugiiguin ovttasráđiid guovllu olbmuiguin ja čanusjoavkkuiguin nu ahte váldojuvvo vuhtii báikkálaš dovdamuš.

Dutkamuš bargojuvvo njealji dutkanprográmmas:

• Globálanuppástusa dutkamuš 
• Árktalaš politihkka ja gárggiideapmi 
• Vuoiggalaš ruoná sirdáseapmi 
• Árktalaš servošat áiggis 
  

Dieđalaš dieđu gaskkusteapmi ja populariseren lea Árktalaš guovddáža barggu mávssolaš oassi. Dieđaguovddáža ja dieđakommunikašuvnna mielde gaskkustit dieđu ja lasihit ipmárdusa earáhuvvi árktalaš guovllus.

Ruovttubáikámet Arktikum lea dieđaguovddáš, musea, oaidnámuš ja bivnnuhis kultuvračuozáhat sihke vajálduvakeahtes čoahkkin- ja kongreassadállu. Arktikuma dieđaguovddáš, mii gullá Árktalaš guovddáža doibmii, popularisere árktalaš dutkamuša ja diehtaga doaibmačájáhusain, fállá prográmmaid skuvllaide sihke ordne álbmotdáhpáhusaid. Earáhuvvi Arktis -čájáhus doalvu guossástalliid miehtá geasuheaddji árktalaš guovllu ja muitala dan guorba luonddus, máŋggalágán kultuvrrain ja dálá áiggi rievdadusain.