Skuvlendoaibma

Árktalaš guovddáža skuvlendoaimma ulbmilin lea árktalaš guovlluide guoski dieđu, diđolašvuođa ja áddejumi lasiheapmi. Skuvlen fállojuvvo dutkkus - ja joatkkaoahpuid stuđerejeaddji oahppiide. Árktalaš guovddáš ordne maid buohkaide rabas logaldagaid ja dáhpáhusaid sihke prográmmaid skuvlalaččaide. Boahttevaš dáhpáhusain muitaluvvo dáhpáhuskaleandaris.  

Árktalaš doavtterprográmma, ARKTIS

ARKTIS-doavtterprográmma lea máŋggadieđalaš dutkiskuvlenprográmma, man koordinere Lappi universitehta Árktalaš guovddáš. Prográmma dutkantemán lea "Modernisašuvnna ja globálanuppástusa servodahkii guoski ja birasváikkuhusat árktalaš guovlluin". 

Prográmma ulbmilat:

• Ovddidit oktasašbarggu árktalaš dutkamušas sierra dieđasurggiid gaskkas
• Buoridit máŋggadieđalaš dutkamuša kvalitehta ja árvvusatnima
• Nannet dutkiskuvlema
• Addit ráđiid áddet, mo máŋggalágan nuppástusat árktalaš guovllus váikkuhit guovllu sosiálalaš diliide ja ovdáneapmái.

Árktalaš oahppooppalašvuohta, Arctic Studies Program

Arctic Studies Program (ASP) fállá vejolašvuođa spesialiseret árktalaš dutkamuša fáttáide ja váttisvuođaide guoski gažademiide. Dat lea máŋggadieđalaš oahppooppalašvuohta, mas muitaluvvo viidát árktalaš guovllu fysikálalaš, sosiálalaš, kultuvrralaš ja birrasii laktáseaddji  beliin. Oahppit dahket oahpuid áigge smávva dutkamušbáhpára Árktalaš guovddáža spesiáladutkiid bagadeami vuollásažžan. Buot oahpahus lea eaŋgalasgillii.


Prográmma koordinere Lappi universitehta Servodatdieđalaš dieđagoddi. Oahpaheaddjin leat Árktalaš guovddáža ja Lappi universitehta sierra dieđagottiid dutkit ja oahpaheaddjit.

University of Arctic 

Árktalaš guovddáš bargá ovttas riikkaidgaskasaš University of Arctic’a čállingottiin. University of Arctic (UArctic) lea davvi guovlluid universitehtafierpmádat. Árktalaš guovddáš oassálastá aktiivvalaččat UArctica sisdollui guoski doaimmaid ovddideapmái ja johtinprográmmii. Árktalaš guovddáža ASP-oahppo-prográmma sisttisdoallá UArctica BCS-prográmma gurssaid.